സംസ്കാരസംസം

 

പ്രശസ്ത ഗാനരചയിതാവ് യൂസഫലി കേച്ചേരി 20വർഷങ്ങൾക്കുമുമ്പ് സയ്യിദ് മുഹമ്മദലി ശിഹാബ്തങ്ങളെ കുറിച്ചെഴുതിയ അപൂർവ്വ കവിത.

അധികാരമോഹമെന്തെന്നറിഞ്ഞീടാത്തൊ

രഭിവന്ദനീയ നേതാവിനെക്കണ്ടു ഞാൻ.

സ്വന്തം കസേരയുറപ്പിക്കുവാനുള്ള 

തന്ത്രം മെനയവേ ധർമ്മം മറക്കുന്ന 

നേതൃവർഗ്ഗത്തിലൊരൊറ്റയാനായ് സത്യ- 

മാതൃകാദീപമായ് വാരൊളി വീശുന്ന 

സയ്യിദ് മുഹമ്മദലി ശിഹാബ് തങ്ങളെ 

സർവർക്കുമാദരണീയനെക്കണ്ടു ഞാൻ. 

അപരന്റെ ദുഃഖത്തിലലിയുന്ന ഹൃദയവും 

അനുപമസ്നേഹം വഴിയും മിഴികളും 

ജാതിയേതാകിലും മാലെഴും മർത്ത്യനെ 

ജാതകാരുണ്യം തഴുകിത്തലോടുന്ന 

ദീർഘബാഹുക്കളും സുന്ദരസുസ്മിത- 

ദീപ്തിയും ചേർന്നൊത്ത പുരുഷാകാരമേ, 

സാത്വികശ്രേഷ്ഠർ തൻ വംശീയവല്ലിയിൽ 

പൂത്ത പൂവേ, വാഴ്ക നീണാൾ ഭവാൻ, പാണക്കാടു തറവാടിൻ പുണ്യമേ, കേരള- 

നാടിൻ മതേതര സംസ്കാരസംസമേ!

#ശിഹാബ്തങ്ങൾ

സമ്പാ: Faisal Malik AR Nagar